Oliy malaka toifasiga (bosh o‘qituvchi lavozimiga) ega pedagoglar uchun ipoteka krediti bo‘yicha subsidiyaga arizalar qabul qilish joriy yilning 20 aprel kuni soat 14:00 da boshlanadi.

Bu haqda Iqtisodiyot va moliya vazirligi axborot xizmati ma’lum qildi.

Mazkur subsidiya Vazirlar Mahkamasining 2026 yil 19 fevraldagi 69-son qaroriga muvofiq ajratiladi. Unga ko‘ra, davlat budjeti hisobidan ipoteka krediti uchun boshlang‘ich badalning 25 foizi qoplab beriladi.

Subsidiya olish uchun talablar:

- ariza beruvchi belgilangan ijtimoiy mezonlarga javob berishi;

- kamida 15 yil pedagogik ish stajiga ega bo‘lishi;

- oliy malaka toifasi yoki bosh o‘qituvchi lavozimiga ega bo‘lishi;

- ariza beruvchi va uning turmush o‘rtog‘i nomida 2 tadan ortiq uy-joy bo‘lmasligi;

- kredit tarixi ishtirok etuvchi banklar talablariga mos bo‘lishi.

Ariza topshirish usullari:

- Davlat xizmatlari markazlari orqali;

- MyGov mobil ilovasi orqali;

- my.gov.uz portali orqali onlayn.

Muhim:
Ariza berish jarayonida OneID tizimi orqali tijorat banklariga kredit tarixingizni tekshirish uchun ruxsat berilgan bo‘lishi shart. Aks holda ariza rad etilishi mumkin.